Waqtiet TVM: mit-Tnejn sal-Ġimgħa 15:55hrs
TVM: mit-Tnejn sal-Ġimgħa 15:55hrs TVM 2: mit-Tnejn sal-Ġimgħa 19:30hrs
Waqtiet huwa programm qasir ta’ madwar 5 minuti fejn ser naraw diversi nies min kull qasam tal-Ħajja, jgħamlu intervent qasir fuq suġġett/tema li huma jixtiequ jwasslu lit-telespettaturi ta’ TVM u TVM2.
Fl-ewwel ġimgħa, jiġifieri mit-tnejn 30 ta’ Settembru sal Ġimgħa 4 t’Ottubru, ser naraw lil James Dimech, Jennifer Dimech, Fr Rene Camilleri, Oliver Friggieri u Joyce Cassar. It-temi huma varjati ħafna, għalhekk it-telespettatur ser igawdi minn tagħrif interessanti u attwali li ser jitwassal lilhom f’dawn il-programmi .
Fil-fatt James ser jitkellem dwar l-imħabba lejn in-natura u l-annimali, Jennifer ser titkellem dwar l-esperjenza tagħha fil-Peru, meta sena ilu marret ma voluntieri oħra jagħmlu xogħol fil-missjoni MSSP. Fr Rene’ tkellem dwar l-ittra riċenti li kiteb il-Papa Frangisku dwar l-importanza tad-djalogu anke ma min ma jemminx. Oliver tkellem dwar il-ħsieb u kif jirraġuna l-moħħ tal-bniedem, u Joyce ser titkellem dwar il-liberta’ ta’ kull persuna li għandha meta tiġi biex tagħmel l-għażliet tagħha. L-importanza li wieħed għandu jkun infurmat. Għalhekk dawn l-interventi jistgħu jkunu ta’ ispirazzjoni għall min ikun qed jara t-televizjoni.
Produzzjoni eżekuttiva ta’ CAM Productions int. Direzzjoni ta’ Fr Louis Mallia mssp.
