SIBTILFIDI – NET TV – IS-SIBT Fis-6.10pm
Massimiliana De Martino f’din l-iskeda, anzi mis-Sibt 5 t’Ottubru, ser tipprezenta l-programm socio reliġjuż SIBTILFIDI fejn flimkien ma’ mistiedna fl-istudios, ser tiffoka fuq dak li jgħidilna l-evanġelju tal-Ħadd. Fil-fatt permezz dan il-programm ser naraw kif nistgħu fil-ħajja mgħaġġla ta’ kuljum, bid-diffikultajiet kollha li niltaqgħu magħhom, bil-problemi kollha li kull wieħed u waħda minnha għandu, u bis-sabiħ tal-Ħajja wkoll, ser naraw kif nistgħu u għandna ngħixu l-vanġelu bl-aħjar mod possibbli.
Fil-fatt l-Evanġelju li ser jinqara fil-knejjes tagħna ser jittratta qari skont San Luqa fejn qed jitkellem dwar il-Fidi. X’inhi l-Fidi, kif niksbuha, kif ngħożżuha, u kif tista tgħinna? Fr. Ray Francalanza mill-Paroċċa ta’ Santu Wistin il-Belt ser jitkellem dwar dan. Ser inkunu nafu wkoll xi ħaġa dwar din il-parroċċa u anke dwar l-Agostinjani. Dan il-qari u l-ispjega ser ikun ta’ benefiċċju għall min ma jistax jisma’ l-quddiesa fil-knisja. Speċjalment għall-morda.
Żgħazagħ ser jiddiskutu dan is-suġġett u suġġetti oħra fl-istudios ma’ Fr. Joe Inguanez. Ser ikun feature iehor dwar persunaġġ mill-Bibbja, kemm ta’ l-Antik testment u anke mit-Testment il-ġdid. L-ewwel persunaġġ li ser inkunu nafu aktar dwarhu hu MOSE.
Produzzjoni eżekuttiva ta’ CAM Productions int. Direzzjoni ta’ Fr Louis Mallia mssp.
