SIBTILFIDI – NET TV – IS-SIBT 2 TA’ NOVEMBRU – FIS 6.05PM
Massimiliana De Martino din il-ġimgħa ser titkellem dwar is-suġġett li joħroġ mill-qari ta’ l-Evanġelju skont San Luqa fejn qed jirrakkonta meta Żakkew ried lil Ġesu’ jmur għandu għall-ikel. Żakkew kien bniedem li kien jiġbor it-taxxa, u mhux l-ewwel darba li kien jieħu aktar flus mill suppost biex jistagħna. F’din il-ġrajja nitgħallmu li anke l-aktar bniedem ħażin, jekk jafda u jemmen f’Alla jsib is-salvazzjoni. Alla jaħfer lil kullħad, l-importanti imma huwa li nippruvaw insewwu l-ħsara li nkunu għamilna bħal ma għamel Żakkew billi rodd lura l-flus li kien ħa lil fqar.
Fr Ray Francalanza mill-parroċċa ta’ Santu Wistin il-Belt jagħti t-tifsira ta’ dan l-Evanġelju wara l-qari tiegħu minn Marthese Brincat.
Persunaġġ mill-bibbja wkoll qed jidħol fil-programm biex b’hekk insiru nafu aktar dwar nies li għexu ħafna qabilna imma li ħallew messaġġ u tagħlima għalina.
Produzzjoni eżekuttiva ta’ Cam Productions int.
Direzzjoni ta’ Fr Louis Mallia mssp.
