SIBTILFIDI – IS-SIBT – 23 TA’ NOVEMBRU – NET TV – FIS 6.05PM
Għada l-Ħadd ser niċċelebraw il-festa ta’ KRISTU RE. L-evanġelju ser ikun skont San Luqa fejn ser jirrakkonta meta Ġesu’ kien imsallab fuq is-salib u kulħadd beda jiddieħeq bih. Allavolja fuq is-Salib kitbu ‘ĠESU’ NAZZARENU SULTANT TAL-LHUD’, xorta kemm il-ħalliel il-Ħazin u kemm is-suldati għajruH u zebilquH. Massimiliana De Martino flimkien mal-mistiedna tagħha ser titkellem dwar min hu Ġesu’ għalina llum, Kif jista’ jkun sultan tagħna. Kif u għaliex għandna ngħixu tajjeb skond kif qalilna Hu. Persunaġġ bibbliku jkompli jżennen il-programm b’aktar informazzjoni. Fr. Maurice Abela o.carm, ser jagħmel l-ispjega ta’ l-evanġelju.
Produzzjoni eżekuttiva ta’ Cam productions int. Direzzjoni ta’ Fr Louis Mallia mssp.
