CPI
ĊAM Productions International (ĊPi), hija l-Production House fi ħdan is-Soċjeta’ Missjunarja ta’ San Pawl (MSSP). Din hija organizzazzjoni li m’għandiex skop ta’ profitt, u taħdem bil-għan li tevanġelizza u toħloq kuxjenza missjunarja permezz ta’ pjattaformi differenti tal-midja.
Matul is-snin, ĊPi laħqet l-għan tagħha li tipproduċi dokumentarji reliġjużi u ta’ natura soċjo-reliġjuża ta’ livell professjonali, kemm f’Malta kif ukoll barra minn xtutna. Sa mill-1999, ĊPi ilha xxandar il-messaġġ nisrani f’eluf ta’ djar, permezz tal-programmi televiżivi li ta’ kull ġimgħa xxandar fuq l-istazzjonijiet lokali tat-televiżjoni.
Sabiex jintlaħaq dan, ĊPi hija attrezzata bi studjo u faċilitajiet oħra meħtieġa. Matul din l-iskeda televiżiva, ċ-ĊPi qed tipproduċi l-progamm Sejjaħtli fuq Favourite TV, li din is-sena qiegħed fit-tnax-il sena tiegħu, UĊUĦ fuq NET TV u Sensilhena li jixxandar fuq TVM2 u TVM.
ĊPi ipproduċiet ukoll proġetti awdjo-viżwali li jippromwovu u joħolqu kuxjenza missjunarja, (speċjalment il-missjonijiet MSSP). Proġetti li jesponu l-ġmiel ta’ kulturi, postijiet u reliġjonijiet differenti u li jistednuna ngħixu fil-paċi u f’armonija flimkien. Għal dan il-għan, għal dawn l-aħħar għaxar snin, iċ-ĊPi ipproduċiet maratona ta’ sittin siegħa ta’ trasmissjoni u xandir b’risq il-missjonijiet MSSP fil-Peru, Pakistan, Filippinu, Dar San Ġużepp u għall-Evanġelizzazzjoni permezz tal-midja.
Permezz tal-portal ta’ Evanġelizzazjoni “fidi”, iċ-ĊPi issa ser tkun qed tiffaċċja sfida oħra:- dik li testendi l-viżjoni tagħha ta’ evanġelizzazzjoni, billi tutilizza l-forza tal-firxa li toffri l-midja mxandra fuq l-internet. Billi nvestiet f’faċilitajiet moderni, taspira li tilħaq firxa kbira ta’ nies, u twassal il-messaġġ tal-Evanġelju, li jibqa’ dejjem relevanti.
Servizzi provduti miċ-ĊPi:
- Iffilmjar u edittjar (kemm barra kif ukoll ġewwa) ta’ intervisti, dokumentarji, drama u features qosra.
- ĊPi għandha l-faċilitajiet neċessarji biex tipproduċi, tiffilmja, edittjar kemm tal-awdjo kif ukoll tal-vidjo, ppakkjar u studjos li jappella għal diversi ħtiġijiet professjonali f’dan il-qasam.
Faċilitajiet:
Studjo ta’ livell professjonali attrezzat bl-arja kkundizzjonata, dawl LED, struttura ta’ tlitt kameras HD għall-programmi u d-drama.
- Kollegament ma’ żewġ stazzjonijiet tat-televiżjoni għal xandir live.
- Tlett-ikmamar attrezzati għall-editjar.
- Kamra tal-Awdjo b’mixsers u mikrofoni tal-irrekordjar tal-awdjo.
- Riproduzzjonji ta’ DVDs.
Fidi Kuntatt
Indirizz: Dar ta’ San Gużepp, Triq il-Kbira, Santa Venera, SVR1010, Malta.
Telefon: 2144 4499
Emejl: fidi.org.mt: fidi@camcpi.org
Programmi: marthese@camcpi.org
Facebook: https://www.facebook.com/fidi.org.mt
CPI: https://www.facebook.com/camcpi