fidi » Triq Waħda

Triq Waħda

clintfar — Sat, 26 Apr 2014 17:51:42 +0000

The Perfect Gifts ,fashion and popular,Women’s Accessories,Earrings ,Bracelet,Necklaces ,Charms, RiNG ,Best Silver Jewelry ,Cheap gift, Cheap Jewelry ,Special Offer Gift .To friend , To me ,Give it to her . Abcdef shop, The Best Choice

Triq Waħda – 30 ta’ Marzu

Stefan Cassar — Sat, 29 Mar 2014 12:11:42 +0000

Fuq ONE fil-11.20am

Is-suġġett tal-lum li ser tiddiskuti Christine Delicata llum mhuwiex wieħed faċli, għax ser jittratta l-ISPIRTU SSANTU. Min hu? X’inhi l-funzjoni tieghu? Għaliex donnu ma tantx nisimgħu dak li f’qalbna jkun irid jgħidilna? Dan u aktar Christine ser tiddiskutiħ ma Fr. Ray Zammit u anke ma Dr John Bonnici Mallia li wara esperjenza personali sar imexxi l-grupp kariżmatiku Maranatha’. Sister Antonia tas-sorijiet ta’ Tereza Nuzzo f’dan il-programm wkoll ser tagħmel riċetta tajba li żgur li kulħadd jista’ jagħmel. Ser nisimgħu wkoll dak li għandu x’jgħidilna l-Papa Frangisku għal din il-ġimgħa.

Produzzjoni eżekuttiva ta’ Cam Productions int. Direzzjoni ta’ Fr. Louis Mallia u Marthese Brincat.

Triq Waħda – 23 ta’ Marzu

Stefan Cassar — Mon, 17 Mar 2014 08:20:40 +0000

Fuq ONE fil-11.20am

Christine Delicata llum ser titkellem ma Fr. Ray Zammit fl-ewwel parti tal-programm dwar il-Madonna jew aħjar kif is-suġġett jissejjaħ, Marjoloġija. Propju ser nisimgħu min kienet Marija, kif kienet magħżulha min Alla, u dwar l-istudji li saru sakemm il-Knisja aċċettat li l-Madonna kienet mingħajr dnub, u li telgħet is-sema bir-ruħ u bil-ġisem.

Fit-tieni parti tal-programm ser niltaqgħu ma’ Mildred Falzon, mill Fokolari, li sa min minndu kienet għadha tifla, l-ġenituri tagħha kellhom devozzjoni kbira lejn il-Madonna, devozzjoni li tawha lit-tfal tagħhom. Illum ukoll ser inkomplu nisimgħu dak li għandu x’jgħidilna l-Papa Frangisku u fl-aħħar parti Sr. Anna Mallia u Sr. Josefa Camilleri, ser isajru il-KWAREŻIMAL.

Produzzjoni eżekuttiva ta’ Cam Productions int. Direzzjoni Fr. Louis Mallia mssp.

Triq Waħda – Il-Ħadd 17 ta’ Marzu

Stefan Cassar — Fri, 14 Mar 2014 11:44:28 +0000

Fuq ONE fil-11.20AM

Christine Delicata f’dan il-programm ser titkellem dwar il-KRTISTOLOĠIJA. X’infissru b’din il-kelma? Min kien u Hu verament Kristu. Il-fidi tagħna ġejja minnhu, li sar bniedem u baqa’ Alla. Fl-ewwel parti titkellem ma Fr. Ray Zammit, fit-tieni parti Christine titkellem ma’ Giovann Tabone, li għadu kif ġej min esperjenza ta’ 8 xhur fil-missjoni mssp tal-Peru. Kemm kien faċli li jara l-wicc ta’ Kristu f’dan il-fqar li ma għandhom xejn? Fl-aħħar parti ser nerġgħu mmorru għand is-sorijiet Benedittini ta’ Santa Skolastika il-Birgu, fejn din id-darba Sister Anna u Sister Josefa ser isajru il-biskuttini tar-raħal.

Ma jonqosx ukoll it-tagħlim li qed iħalli il-Papa Franġisku meta jkun qed jippriedka ta’ kull nhar ta’ Erbgħa u l-Ħadd.

Produzzjoni eżekuttiva ta’ Cam Productions int. Direzzjoni ta’ Fr. Louis Mallia u Marthese Brincat

Triq Waħda – 9 ta’ Marzu

Stefan Cassar — Sat, 08 Mar 2014 08:59:09 +0000

Fuq ONE fil-11.25am

Fl-ewwel parti ta’ dan il-programm Christine Delicata ser titkellem ma Fr. Ray Zammit dwar is-suggett li fuqu ser tibbaża anke l-esperjenza li tiġi titkellem fl-istudios. Ġesu’ Inkarnazzjoni. Xi tfisser Inkarnazzjoni? Kif wieħed jista’ jifhem li Ġesu’ li kien Alla wkoll sar bniedem bħalna? Fl-situdios illum ser ikollna lil Nikol Baldacchino, li huwa ġurnalist u anke jappartjeni ghall komunita’. Ser jitkellem dwar kif aħna nistgħu ngħixu l-inkarnazzjoni ta’ Ġesu’ f’ħajjitna. Illum wkoll ser nisimgħu dak li għandu x’jgħidilna Papa Francesco fuq kitba ta’ Joe Brincat, u fl-aħħarnett illum fil-kċina ser niltaqgħu ma Sister Anna u Sister Josefa mill-monasteru ta’ Santa Skolastika l-Birgu. Dawn huma sorijiet tal-klawsura, li għalkemm ma joħorġux imma kollox ikunu jafu u jqattgħu ħafna mill ħin tagħhom jitolbu għall-problemi li jgħidulhom in-nies li jmorru jżuruhom. L-ewwel tisjira ser tkun TORTA TA’ L-IRKOTTA.

Produzzjoni eżekuttiva ta’ Cam productions int. Direzzjoni Fr. Louis Mallia u Marthese Brincat.

Triq Waħda – Il-Ħadd 2 ta’ Marzu

Stefan Cassar — Fri, 28 Feb 2014 09:58:44 +0000

Fuq ONE fil-11.20am

Christine Delicata flimkien ma’ Fr. Ray Zammit ser titkellem dwar Ġesu’ s-salvazzjoni. Xi jfisser dan? Salvazzjoni minn xiex u għalfejn? Joyce Cassar, li kellha esperjenza sabiħa ħafna, ta’ fidi, ser tkun il-mistiedna ta’ dan il-programm fejn ukoll ser tipprova tagħti tama lil min ikun għaddej minn xi problema f’ħajtu. Ovvjament hemm ħafna faċċati kif wieħed jista’ jaffaċċja problema, u hemm ħafna modi kif wieħed jista’ jitgħallem u jikber minn dawn il-problemi.

F’dan il-programm ser ikollna wkoll feature dwar it-tagħlim li qed jgħaddilna Papa Francesco. Illum wkoll ser immorru fil-kċina ma’ Fr. Frankie Cini fejn ser isajjar risotto għat tfal, u anke biex inkunu nafu aktar kif it-tfal li jgħixu hawn qed jingħataw l-għajnuna u l-imħabba li għandhom bżonn.

Produzzjoni eżekuttiva ta’ Cam productions int. Direzzjoni Fr. Louis Mallia u Marthese Brincat

Triq Waħda – Il-Ħadd 23 ta’ Frar

Stefan Cassar — Sat, 22 Feb 2014 09:46:40 +0000

Fuq ONE TV fil-11.20am

Christine Delicata f’dan il-programm ser titkellem ma Fr. Ray Żammit, dwar Ġesu’ fl-istorja u f’ħajjitna. Din l-ewwel intervista’ tal-programm ser tkun interessanti ħafna għaliex ser nirrealizzaw li mingħajr l-għajnuna ta’ Ġesu’ ma nistgħux insalvaw. Ġesu’ li bata u miet għalina. Għall-esperjenza Christine ser titkellem ma’ Tonio Farrugia, li f’punt kruċjali f’ħajtu kellu konverżjoni u żar għal diversi drabi l-Art Imqaddsa. Fl-aħħar parti tal-programm illum Christine u t-tim tal-produzzjoni marru jiffilmjaw lil Fr. Frankie Cini fejn għamel il-braġioli.

Feature li qed jintgħoġob ħafna huwa wkoll dwar dak li qed jgħid il-Papa Frangisku.

Produzzjoni eżekuttiva ta’ Cam productions int. Direzzjoni Fr. louis Mallia u Marthese Brincat

Triq Waħda – Il-Ħadd 23 ta’ Frar

Stefan Cassar — Sat, 15 Feb 2014 10:12:33 +0000

Triq Waħda – Il-Ħadd 23 ta’ Frar fil-11:20am fuq ONE

Christine Delicata f’dan il-programm ser titkellem ma Fr. Ray Zammit, dwar Ġesu’ fl-istorja u f’ħajjitna. Din l-ewwel intervista’ tal-programm ser tkun interessanti ħafna għaliex ser nirrealizzaw li mingħajr l-għajnuna ta’ Ġesu’ ma nistgħux insalvaw. Ġesu’ li bata u miet għalina. Għall-esperjenza Christine ser titkellem ma Tonio Farrugia, li f’punt kruċjali f’ħajtu kellu konverzjoni u żar għal diversi drabi l-Art Imqaddsa.

Fl-aħħar parti tal-programm illum Christine u t-tim tal-produzzjoni mar jiffilma lis-sorijiet tal-klawsura tal-Birgu biex narawhom isajru torta tajba ta’ l-irkotta.
Feature li qed jingħoġob ħafna huwa wkoll dwar dak li qed jgħid il-Papa Frangisku .

Produzzjoni eżekuttiva ta’ Cam productions int. Direzzjoni Fr louis Mallia u Marthese Brincat

Triq Waħda – Il-Ħadd 9 ta’ Frar 2014 – 11.20AM – ONE

Stefan Cassar — Thu, 30 Jan 2014 11:02:53 +0000

Fil-programm ta’ nhar il-Ħadd li ġej, Christine Delicata flimkien ma Fr. Ray Zammit ser titkellem dwar il-mirakli: għaliex iseħħu, kif jiġi ppruvat li hu miraklu, tagħmel xi differenza lil min jemmen li jkollu lil xi ħadd mill-familja li jkun sarlu miraklu miegħu? Dawn u aktar mistoqsijiet ser jiġu mwieġba fl-ewwel parti tal-programm.

Fit-tieni Parti Fr. Louis Mallia mssp, ser jitkellem dwar l-esperjenza tiegħu meta kellu bżonn operazzjoni diffiċli meta kien għadu ta’ 18 il-sena. Kif il-professur li għamillu l-operazzjoni fi sptar l-Ingilterra, għamel nofs siegħa jitlob, qabel ma għamel l-operazzjoni.

Fl-aħħarnett, Christine, tkellmet ma Fr. Frankie Cini, mid-dar ta’ San Gużepp, fejn hu xi mindaqqiet ikollu jsajjar għat-tfal li jgħixu hawn, ser narawh isajjar għaġin il-forn.

Produzzjoni eżekuttiva ta’ Cam Productions int. Direzzjoni ta’ Marthese Brincat u Angele Jones.

Triq Waħda – ONE – IL-ĦADD 26 TA’ JANNAR FIL 11.25AM.

Stefan Cassar — Sat, 25 Jan 2014 11:45:45 +0000

Fil-programm ta’ nhar il-Ħadd, Christine ser titkellem ma Fr. Ray Zammit, il-qassis residenti f’dan il-programm, dwar it-tajjeb kollu li ħalaq Alla, dwar għaliex wieħed jimrad, għaliex it-tbatija. Kif it-tbatija tista’ twasslek għal aktar fidi f’Alla.

Dawn u mistoqsijiet oħra ser jiġu mwieġba fl-ewwel parti u fit-tieni parti ta’ dan il-programm ma ‘social worker’ li ilha taħdem mal Hospice Malta għal ħafna snin. Illum wkoll ser naraw x’qal il-Papa Franġisku, f’Mejju li għadda, meta kien qed jitkellem lill-folol kbar ta’ nies. Fil-fatt anke f’din il-ġimgħa l-Papa tkellem dwar il-faqar, dwar il-fatt li l-pajjiżi sinjuri jridu jagħmlu xi ħaġa issa, biex itaffu l-faqar fid-dinja. Fl-aħħarnett, rokna li qed tintgħoġob ħafna, hija fil-kcina ma Sister Michaela Paris, usam, fejn illum ser issajjar “Apple crumble” , ħelu li jħobbu ħafna kemm it-tfal u kemm il-kbar. Sister Michaela ser tkompli titkellem
dwar ix-xogħol siewi li jsir mat-tfal u żgħażagħ li jgħixu magħhom, fid-dar ta’ Gwardamangia.

Produzzjoni eżekuttiva ta’ CAM CPi Direzzjoni Fr Louis Mallia u Marthese Brincat