fidi » SIBTILFIDI

Sibtilfidi – 5 ta’ April

Stefan Cassar — Tue, 01 Apr 2014 08:43:31 +0000

Fuq NET TV fis-6.05pm

Dan huwa l-aħħar Sibt qabel ma nibdew il-ġimgħa Mqaddsa, li fil-fatt tibda nhar il-Ħadd 13 t’April b’Ħadd il-Palm.

Fr. Rene Camilleri mill parroċċa ta’ Ħal-Luqa, li l-patrun tagħha huwa Sant’ Andria, jagħmel l-ispjega ta’ l-Evanġelju tal- 5 Ħadd tar-Randan. Fejn qed jirrakkonta meta Ġesu’ mar iżur il-Marta u l-Marija għaliex huhom Lazzru kien miet xi jiem qabel ma wasal. Imma kif nafu Ġesu’ reġa’ taħ il-ħajja u Betanja kollha saret taf bil-qawwa ta’ Ġesu’.

Massimiliana titkellem fl-istudios ma Fr. Joe Inguanez u mistiedna oħra, biex japprofondixxu dan l-Evanġelju.

Ma dan kollu nisimgħu u naraw żewġ features oħra nteressanti tal-persunaġġ bibliku u anke feature dwar dak li qed jgħidilna l-Papa Frangisku llum.

Produzzjoni eżekuttiva ta’ Cam Productions int. Direzzjoni Fr. Louis Mallia mssp.

Sibtilfidi 29 ta’ Marzu

Stefan Cassar — Sat, 29 Mar 2014 11:55:36 +0000

Fuq NET TV fis-6.05pm

Illum u għada filgħaxija jitwassal l-evanġelju tal-Ħames Ħadd ta’ Marzu, jew aħjar ir-4 Ħadd tar-Randan, fejn qed naraw lil Ġesu’ jitlob x’jixrob lis-Samaritana. L-evanġelju huwa sabiħ ħafna, għax jurina li mingħajr Ġesu’ wieħed ma jistax jgħix ħajja tajba, ħajja mimlija ferħ u ħajja ta’ għajnuna lill ħaddiehor. Dan u aktar Massimiliana tiddiskutiħ mal-mistiedna fl-istudios. Fr. Christopher mill parroċċa ta’ Ħal Għargħur jagħmel l-ispjega tal-Evangelju mill l-istess knisja ddedikata lil San Bert. Feature dwar dak li qed jippriedka l-Papa Franġisku wkoll qed ikun parti mportanti waqt il-programm.

Produzzjoni eżekuttiva ta’ Cam Productions int. Direzzjoni ta’ Fr. Louis Mallia mssp.

Sibtilfidi – 22 ta’ Marzu

Stefan Cassar — Mon, 17 Mar 2014 08:10:32 +0000

Fuq NET fis-6.05pm

Massimiliana De Martino f’dan il-programm ser titkellem dwar l-evanġelju tat-Tielet Ħadd tar-Randan. Ser nisimgħu l-ispjega minn Fr. Luke Seguna mill Knisja tan-Nigret. Rakkont ftit twil, fejn naraw meta Ġesu’ mar f’belt tas-Sammarijia jisimha Sikar, u talab lil mara li kienet qed timla l-ilma minn bir, biex ittih x’jixrob. Rakkont verament sabiħ u fiħ x’tifhem. Flimkien mal-mistiedna fl-istudios Massimiliana ser tiżvolġi aktar is-suġġett. F’dawn il-programmi qed nisimgħu wkoll xi messaggi li l-Papa Frangisku qed jagħmel fl-omeliji lill poplu li jinġabar fil-pjazza tal-Vatikan. Barra min hekk qed nisimgħu wkoll tagħrif dwar persunaġġ mill bibbja.

Produzzjoni eżekuttiva ta’ Cam Productions int. Direzzjoni Fr. Louis Mallia u Marthese Brincat.

Sibtilfidi – Is-Sibt 16 ta’ Marzu

Stefan Cassar — Fri, 14 Mar 2014 11:17:07 +0000

Fuq NET fis-6.05PM

Massimiliana De Martino ser titkellem dwar it-tieni Ħadd tar-Randan, li s-suġġett minnhu huwa li wieħed tajjeb li

jkun jaf lilu nnifsu u jkun jaf kif għandu jgħix b’valuri u konsistenti mat-tagħlim ta’ Kristu. Fl-istudios dan u aktar ser jiġi diskuss waqt il-programm kif ukoll ser ikollna l-ispjega ta’ l-evanġelju minn Fr. Vince Micallef, mill-parroċċa ta’ Fatima G’Mangia. Ser inkunu nafu aktar dwar persunaġġ bibliku.

Produzzjoni eżekuttiva ta’ Cam Productions int. Direzzjoni Fr. Louis Mallia mssp.

Sibtilfidi – 8 ta’ Marzu

Stefan Cassar — Sat, 08 Mar 2014 08:50:42 +0000

Fuq NET TV fis-6.05PM LIVE

Għada l-Ħadd ser ikun l-ewwel Ħadd tar-Randan, żmien fejn għandna naħsbu fuq il-mewt u l-qawmien ta’ Ġesu’ li niċċelebrawħ 40 gurnata wara. Għalhekk Massimiliana f’dan il-programm tal-lum, ser tiffoka fuq dan iż-żmien ukoll. Għalfejn jiġi r-Randan, għandu jibdilna? U kif għandu jibdilna?

Għadu jagħmel sens is-sawm u s-sagrifiċċju llum il-ġurnata f’socjeta’ fejn kulħadd irid kollox u issa? Mal-mistiedna ser tiddiskuti dawn u aktar, biex f’xi ħin tal-programm nisimgħu l-ispjega ta’ l-Evanġelju li ser jinqara il-Ħadd. Fr. Sebastian Caruana mill-parroċċa ta’ Ħaż-Żabbar ser jagħmel l-ispjega tiegħu. Għall-aħħar tal-programm ser nagħtu tagħrif ukoll dwar persunaġġ bibliku fuq kitba ta’ Massimiliana De Martino li tippreżenta l-programm.

Produzzjoni ta’ Cam productions int. direzzjoni ta’ Fr. Louis Mallia mssp.

Sibtilfidi – L-1 ta’ Marzu

Stefan Cassar — Mon, 24 Feb 2014 10:03:03 +0000

Live fuq NET TV fis-6.05pm

Massimiliana De Martino, kif jiġri f’kull programm SIBTILFIDI, tgħaqqad il-ħsieb ta’ l-evanġelju li jkun ser jinqara l-Ħadd, ma’ suġġetti li joħorġu minnu fil-ħajja ta’ kuljum, permezz tal-mistiedna fl-istudios, ta’ qari u spjega ta’ l-evanġelju minn parroċċa differenti, u tagħrif fuq persunġġ bibbliku. Fil-fatt din il-ġimgħa morna fil-Parroċċa ta’ Marsaxlokk fejn Fr. Mario Mangion għamel l-ispjega tiegħu. X’inhu l-qofol ta’ dan l-evanġelju? Kif nistgħu ngħixu aħjar il-ħajja tagħna meta nifmhu u nagħmlu dak li ried Ġesu’ minna.? Dawn u aktar ser ikunu l-mistoqsijiet li ser iwieġbu l-mistiedna fl-istudios.

Produzzjoni eżekuttiva ta’ Cam productions int. Direzzjoni Fr. Louis Mallia mssp.

Sibtilfidi – 22 ta’ Frar 2014

Stefan Cassar — Sat, 22 Feb 2014 09:35:10 +0000

Live fuq NET TV fis-6.05pm

MASSIMILIANA De Martino f’dan il-programm ser tiffoka fuq il-Verġni Mbierka, jiġifieri Marija omm Ġesu’. Marija hija dik li tgħina nimxu fit-triq it-tajba u tgħaqqadna ma binha Ġesu’.

L-evanġelju skont San Mattew ser jiġi spjegat mil-kappillan ta’ Ħaż-Żabbar. Ser inkunu nafu wkoll aktar dwar il-knisja sabiħa ddedikata lil Madonna tal-Grazzja. Fr. Chris ser ikun fl-istudios biex jitkellem dwar dan kollu flimkien ma xi żgħażagħ oħra.

Produzzjoni eżekuttiva ta’ Cam Productions int. Direzzjoni ta’ Fr. Louis Mallia mssp.

Sibtilfidi – Is-Sibt 15 ta’ Frar

Stefan Cassar — Sat, 15 Feb 2014 10:58:23 +0000

Sibtilfidi – Is-Sibt 15 ta’ Frar NET TV ‘LIVE’

Massimiliana De Martino f’dan il-programm ser titkellem ma’ Sister Josephine Xuereb fejn ser tkellimna dwar Madre Margerita De Brincat li hija l-fundatriċi tas-sorijiet Franġiskani tal-Qalb ta’ Ġesu’. Barra min hekk Fr. Vince Micallef OP ser jispjega l-Evanġelju skont San Mattew Kapitlu 5 versi 17-37 fejn Ġesu’ qed jitkellem mad-dixxipli tiegħu dwar li Hu ma ġiex biex iwaqqa’ l-liġi imma biex iwassalhom għall-milja tagħhom. Il-persunaġġi tal-lum li Massimiliana kitbet dwarhom huma Marta u Marija, hut Lażżru li kienu ħbieb ħafna ta’ Ġesu’.

Produzzjoni eżekuttiva ta’ Cam productions int. Direzzjoni Fr. louis Mallia mssp.

Sibtilfidi – 22 ta’ Frar 2014

Stefan Cassar — Fri, 14 Feb 2014 13:18:10 +0000

Fuq NET TV fis-6.05pm

MASSIMILIANA De Martino f’dan il-programm ser tiffoka fuq il-Verġni Mbierka, jiġifieri Marija omm Ġesu’. Marija hija dik li tgħina nimxu fit-triq it-tajba u tgħaqqadna ma binha Ġesu’. L-evanġelju skont San Mattew ser jiġi spjegat mill kappillan ta’ ħaż-Żabbar. Ser inkunu nafu wkoll aktar dwar il-knisja sabiħa ddedikata lil Madonna tal-Grazzja. Fr. Chris ser ikun fl-istudios
biex jitkellem dwar dan kollu flimkien ma xi żghażagħ oħra.
Produzzjoni eżekuttiva ta’ Cam Productions int. Direzzjoni ta’ Fr. Louis Mallia mssp.

Sibtilfidi – 8 ta’ Frar

Stefan Cassar — Thu, 06 Feb 2014 09:31:23 +0000

Sibtilfidi – 8 ta’ Frar fis-6.05pm fuq NET TV

Is-suġġett mill Evanġelju li ser jinqara fil-quddies ta’ nhar il-Ħadd jittratta meta Ġesu’ qed jgħid lill-Appostli biex ikunu il-melħ ta’ l-art u d-dawl tad-dinja. Kif wieħed bħala nisrani, jista’ jagħmel evanġelizzazzjoni fuq il-post tax-xogħol, il -familja u kull fejn ikun.

Massimiliana ser titkellem mal-mistiedna fl-istudios fosthom Fr. Hector Attard mssp, li qiegħed fil-missjoni mssp fil-Filippini. San Pawl ser ikun il-persunaġġ li Massimiliana għamlet riċerka fuqhu. L-Evangelju huwa skont San Mattew.

Produzzjoni eżekuttiva ta’ Cam productions int. Direzzjoni ta’ Fr. Louis Mallia mssp.