Joyce Cassar u Fr Rene Camilleri, il-mistieden residenti ta’ dan il-programm flimkien mal-mistiednin ser jiddiskutu dak li se jinqara fil-knejjes tagħna l-għada l-Ħadd 9 ta’ Ġunju.    Fl-ewwel qari u fil-Vanġelu llum għandna żewġ rakkonti prattikament tal-istess miraklu: Elija u Ġesu’ it-tnejn iqajjmu mill-mewt għall-ħajja tifel uniku ta’ mara armla.    Ix-xebħ huwa bla dubju paralleliżmu bejn Elija u Ġesu’; Elija li kien l-ikbar fost il-profeti tal-Antik Testment u Ġesu’ li jirrapresenta il-profezija li tmur lil hinn mill-liġi fit-Testment il-Ġdid.     Imma t-tifsira ta’ dan kollu qiegħda fil-qawwa li l-Vanġelu għandu biex ifejjaq u jagħti l-ħajja, mhux biss fuq livell fiżiku kif rakkuntat f’dawn iż-żewġ qari, imma anke fuq livell tal-bniedem sħiħ kif jafferma San Pawl fit-tieni qari mill-Ittra lill-Galatin.9

Repetizzjoni tal-programm il-Ħamis 13 ta’ Ġunju fis-6 pm.